"ПСЖ" ярим ҳимоячиси Карлос Солер жамоани тарк этиши мумкин, дея хабар беради Le Parisen.
Парижликлар бош мураббийи Луис Энрикенинг фикрича, жамоада ярим ҳимояда креативлик етишмаяпти. Аммо бу ўринга янги ўйинчи билан шартнома имзолаш учун ҳозирги таркибдан бирини сотиш керак - бу Солер бўлиши мумкин. Карлоснинг ўзи "ПСЖ"дан кетишга тайёр.
Ҳозирда футболчининг молиявий талабларини қондира оладиган икки жамоа бор – "Брайтон" ва "Астон Вилла". Улар қишда трансферни амалга ошириши мумкин.
Солер "ПСЖ"да 2022 йилнинг сентябридан буён тўп тепади, ўшанда у “Валенсия”дан 18 миллион евро эвазига сотиб олинган. Жорий мавсумда у 7 учрашувда 1 та гол урди ва 1 та голли узатмани амалга оширди.
