Italiyaning «Milan» klubi sobiq ustozi Arrigo Sakki milanliklarning qaysi biri unda katta taassurot qoldirganini aytdi.
Uning fikriga ko‘ra, bu gollandiyalik yarim himoyachi Tidjani Reynders bo‘lgan. Sakki maydonda bo‘layotgan voqealarni tahlil qilish qobiliyatini qayd etdi.
«Menga Tidjani Reynders juda yoqadi, u zo‘r yigit, saviyali o‘yinchi, o‘yinni o‘qiy oladi va maksimal harakat qiladi.
Bu yil «Milan»da juda yaxshi o‘yinchilar bor, Ruben Loftus-CHik ham bu ta’riflarimga to‘liq mos keladi», - deya Sakkining so‘zlarini keltiradi pianetamilan.it.
Bugun tunda Italiya chempionati 9-turi doirasida «Milan» Turinda «Yuventus»ga qarshi bahs olib boradi.
