Италиянинг «Милан» клуби собиқ устози Арриго Сакки миланликларнинг қайси бири унда катта таассурот қолдирганини айтди.

Унинг фикрига кўра, бу голландиялик ярим ҳимоячи Тиджани Рейндерс бўлган. Сакки майдонда бўлаётган воқеаларни таҳлил қилиш қобилиятини қайд этди.

«Менга Тиджани Рейндерс жуда ёқади, у зўр йигит, савияли ўйинчи, ўйинни ўқий олади ва максимал ҳаракат қилади.

Бу йил «Милан»да жуда яхши ўйинчилар бор, Рубен Лофтус-Чик ҳам бу таърифларимга тўлиқ мос келади», - дея Саккининг сўзларини келтиради pianetamilan.it.

Бугун тунда Италия чемпионати 9-тури доирасида «Милан» Туринда «Ювентус»га қарши баҳс олиб боради.