2025-yilgi KONKAKAF "Oltin kubogi"da 6 ta konfederasiyadan 24 ta terma jamoa ishtirok etadi.
AQSH, Kanada va Meksikada o‘tkazilishi kutilayotgan turnir JCH-2026 oldidan sobiq "Konfederasiyalar kubogi" vazifasini o‘tab beradi. Demak, musobaqada qatnashish uchun har bir konfederasiyaga quyidagi tartibda kvota ajratilgan:
- KONKAKAF - 16 ta;
- KONMEBOL - 4 ta (Argentina, Braziliya, Urugvay, Paragvay);
- UEFA - 1 ta (Ispaniya yoki Portugaliya);
- Afrika - 1 ta (Marokash);
- Okeaniya - 1 ta (Yangi Zelandiya);
- OFK - 1 ta (Qatar).
Paragvay terma jamoasi so‘nggi paytlardagi qoniqarsiz natijalariga qaramasdan ushbu turnirga taklif etilgan. Buning sababi - KONMEBOL prezidenti Alexandro Domingesning paragvaylik ekanligi deb ta’kidlanmoqda.
Osiyoning eng kuchli terma jamoalari orasidan turnirga Qatarning ketma-ket chaqirilishi ham turli xil savollar keltirib chiqarmoqda. Turnirning bosh homiysi - "Qatar Airways" kompaniyasi ekanligi masalaga oydinlik kiritadi.
