Abraam Grant Isroil va G‘azo sektori aholisini birlashtirish istagi haqida gapirdi.
«Siz bu kitobni ko‘ryapsizmi (Qur’onni ko‘rsatadi)? Uni boshidan oxirigacha o‘qib chiqdim. U begunoh odamlarni o‘ldirishga chaqirmaydi.
Men G‘azoda juda ko‘p yaxshi odamlarni bilaman, haqiqatan ham yaxshi odamlar. Har qanday o‘lim fojea, mening yuragim ular bilan.
Men sizga bir sirni aytaman. O‘n yil oldin men Britaniyaning sobiq bosh vaziri Toni Bler bilan gaplashdim.
Men bir fikr borligini aytdim: keling, Isroil va G‘azo sektori o‘rtasidagi chegarada futbol maydonchalari quraylik.
Birinchidan, iqtidorli futbolchilarni topish. Ikkinchidan, odamlar birgalikda futbol o‘ynashlari uchun.
Futbol odamlarni birlashtiradigan kuchga ega. Men Arsen Venger, Kaka va hatto Fil Jekson bilan gaplashdim.
Men buni hali ham qilish mumkinligiga ishonaman. Meni bu ish uchun puli bor arablar va yahudiylar qo‘llab-quvvatlamoqda.
Bu mening orzuyim. Ayniqsa bugun», - dedi «Chelsi» va Isroil terma jamoasining sobiq bosh murabbiyi.
