Angliya Premyer-ligasining 9-turi doirasidagi so‘nggi uchrashuvda Londonning “Tottenxem” jamoasi o‘z hamshaharlari “Fulxem”ni qabul qilib, har bo‘limda bittadan gol urishga muvaffaq bo‘ldi. Gollardan birini klub faxriysi, koreyalik hujumchi Son Xyon Min kiritdi.
Ma’lum bo‘lishicha, koreyalik futbolchi APLdagi 110-golini urdi, bu ko‘rsatkich bo‘yicha u XXI asr boshida, asosan, "Lester" va "Liverpul" sharafini himoya qilgan Emil Xeski bilan tenglashdi. Premyer-liga tarixida bor-yo‘g‘i yigirma to‘rt nafar futbolchi undan ko‘proq gol urgan.
Angliya chempionatining navbatdagi turida "Tottenxem" "Kristal Pelas"ga qarshi o‘ynaydi, bu juma kuni sodir bo‘ladi.
