Milanning “Inter” klubi markaziy himoyachisi Alessandro Bastoni Yevropa futboli gigantlarining radarida qolmoqda.
O‘tgan yozda mish-mishlar italiyalikni Angliyaga ko‘chib o‘tishi mumkinligi bilan faol bog‘lashdi, ammo futbolchi "Inter"da qolishga qaror qildi va shartnomasini 2028 yilgacha uzaytirdi. Jurnalist Ekrem Ko‘nurrning yozishicha, hozir Bastoniga “Real”, “PSJ”, “Manchester Siti” va “Chelsi” klublari qiziqish bildirmoqda. Ehtimol, kelasi yili 24 yoshli markaziy himoyachi uchun yana transfer jangi bo‘lib o‘tadi.
Transfermarkt portali Alessandro Bastonining narxini 60 million yevroga baholagan.