"Real Madrid" hujumchi Rodrigoning darajasiga shubha qilmayapti.
Braziliyalik futbolchi mavsumni unumli o‘tkazmayapti. Karlo Anchelotti jamoasida 12 ta o‘yinda maydonga tushib, atigi bitta gol va bitta golli uzatmani amalga oshirdi.
22 yoshli futbolchini tez-tez tanqid qilishadi, ammo "Real Madrid" bu xavotirlarga sherik emas. Insayder Fabrisio Romano ta’kidlaganidek, klub Rodrigoning qiyinchiliklari faqat vaqtinchalik hodisa deb hisoblaydi. Shuningdek, vingerning shartnomasini uzaytirish arafasida ekanligi qayd etilgan.
Rodrigoning "Real" bilan amaldagi shartnomasi 2025 yilgacha mo‘ljallangan.