Angliya chempionatining 9-turi “Tottenxem” – “Fulxem” uchrashuvi bilan yakunlandi, unda mezbonlar raqib darvozasiga javobsiz ikkita gol urishdi. "Fulxem" bosh murabbiyi Marko Silvaning fikricha, jamoasining muvaffaqiyatsizligi xatolar tufayli bo‘lgan.

"O‘yinning ayrim nuqtalarida biz ularni tenglashdik, ammo xatolarimiz uchun jazolandik. Qarshi hujumlarda ham imkoniyatlarimiz bor edi, ammo ularni golga aylantira olmadik. Men futbolchilarimni nafaqat himoyalanishga, balki hujum yaratishga undayman", - deya Marko Silva so‘zlarini keltiradi BBC Sport.