"Sherif" bilan Yevropa ligasi o‘yinida jarohat olgan "Roma" yarim himoyachisi Renatu Sanshesh tezda o‘z formasiga tushmoqda.
Corriere dello Sport nashri xabariga ko‘ra, portugaliyalik futbolchi shu haftada umumiy guruhga qaytishi kerak. Renatu Sanshesh A Seriyaning 10-turida "Inter"ga qarshi o‘yinga tayyor bo‘lishi kutilmoqda. Uchrashuv 29 oktyabr kuni bo‘lib o‘tadi.