"Bavariya" bosh murabbiyi Tomas Tuxel Bundesliganing so‘nggi turida qo‘li singan yarim himoyachi Leon Goreskaning safga qaytishi taxminiy muddati haqida gapirdi.
“Goreska qachon qaytadi? Albatta, Dortmundning "Borussiya"si bilan o‘yin juda muhim bo‘ladi. Maqsadimiz Leoni bu o‘yinga qaytarish edi. Chempionlik unvoni taqdiri bu o‘yinda hal bo‘lmaydi, ammo biz Goreskaning unga qaytishini kutamiz", dedi Tuxel matbuot anjumanida.
Eslatib o‘tamiz, Goreska yozda “Bavariya”ni tark etishi mumkin edi, ammo yakunda u qoldi va asosiy tarkibdan joy uchun kurashni davom ettirdi. Leon bu mavsumda Bundesligada 8 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
