"Бавария" бош мураббийи Томас Тухель Бундеслиганинг сўнгги турида қўли синган ярим ҳимоячи Леон Горецканинг сафга қайтиши тахминий муддати ҳақида гапирди.
“Горецка қачон қайтади? Албатта, Дортмунднинг "Боруссия"си билан ўйин жуда муҳим бўлади. Мақсадимиз Леони бу ўйинга қайтариш эди. Чемпионлик унвони тақдири бу ўйинда ҳал бўлмайди, аммо биз Горецканинг унга қайтишини кутамиз", деди Тухель матбуот анжуманида.
Эслатиб ўтамиз, Горецка ёзда “Бавария”ни тарк этиши мумкин эди, аммо якунда у қолди ва асосий таркибдан жой учун курашни давом эттирди. Леон бу мавсумда Бундеслигада 8 та ўйинда майдонга тушиб, 2 та гол урди ва 1 та голли узатмани амалга оширди.
