Fransiyaning “Lill” klubida o‘ynayotgan markaziy himoyachi Tyagu Djalo faoliyatini Ispaniya chempionatida davom ettirish imkoniyatiga ega. Bu haqda Todofichajes sahifalarida xabar berilgan.

Jurnalistlarning xabar berishicha, 23 yoshli futbolchining xizmatlariga “Barselona” qiziqish bildirmoqda. Klub portugaliyalik futbolchini kelasi yozda, futbolchi erkin agentga aylanganda jamoaga olishni rejalashtirmoqda.

Djalo "Lill"da 2019 yildan beri o‘ynab kelmoqda. Transfermarkt uning narxini 16 million yevroga baholamoqda.

Fransiya chempionatining o‘tgan mavsumida Tyagu 25 ta o‘yin o‘tkazib, ikkita gol urdi va 7 ta sariq kartochka oldi.