Jurnalist Jerom Rotenning xabariga ko‘ra, "Lion" bosh murabbiyi Fabio Grosso yaqin kelajakda iste’foga chiqarilishi xavfi bor.

Italiyalik mutaxassis tayinlanganidan so‘ng jamoa to‘rtta o‘yinning uchtasida mag‘lubiyatga uchraganidan tashqari, kiyinish xonasida muammolar yuzaga kelgan.

Klubning ba’zi o‘yinchilari Grossoni eng yomon murabbiy deb hisoblashmoqda. Jamoada yomon muhit hukm surmoqda.

Eslatib o‘tamiz, Fabio sentyabr oyi o‘rtalarida ushbu lavozimda Loran Blan o‘rniga kelgan edi.

Uning qo‘l ostida "Lion" o‘zining jon saqlab qolish uchun to‘g‘ridan-to‘g‘ri raqibi "Klermon"ga 1:2 hisobida imkoniyatni boy berib, chempionat turnir jadvalida so‘nggi o‘ringa tushib ketdi.