"Arsenal" bosh murabbiyi Mikel Arteta Chempionlar ligasi guruh bosqichi 3-turida "Sevilya" ustidan qozonilgan g‘alabadan so‘ng (2:1) hujumchi Gabriel Jesusning jarohati haqida gapirdi.

“Bizga eng katta o‘yinlarda sehrli daqiqalar kerak. Bizga maydonga chiqib, shunday lahzalarni yaratadigan yetakchi futbolchilar kerak. Bizning futbolchilarimiz eng zo‘r bo‘lishlari kerak va u bugun haqiqatan ham o‘ziga xos ish qildi.

U tizzasi ostida nimanidir sezdi, ko‘ramiz. U zudlik bilan almashtirishni so‘radi, bu yaxshi belgi emas, chunki Gabi buni qiladigan o‘yinchi emas. Biz kutishimiz kerak - keyingi bir necha kun ichida ko‘ramiz", - deya Arteta so‘zlarini keltiradi UEFA matbuot xizmati.