"Bavariya" vingeri Kingsli Koman Chempionlar ligasi guruh bosqichi 3-turi doirasidagi "Galatasaroy" ustidan qozonilgan g‘alaba (3:1) haqida fikr bildirdi. Koman bu uchrashuvda bitta gol urdi va 83-daqiqada almashtirildi.
“Bu juda keskin o‘yin bo‘ldi. Bu oson bo‘lmadi, chunki ular ko‘p pressing qilishdi, ammo ikkinchi bo‘limda bo‘sh pozisiyalar ko‘proq bo‘ldi va menimcha, shuning uchun tanaffusdan keyin ko‘proq gol urdik. Menga bu atmosfera yoqadi. Bunday o‘yinda siz juda ko‘p adrenalin olasiz va bu kecha aql bovar qilmaydigan bo‘ldi. Uchrashuvning eng yaxshi futbolchisiga aylanganim ajoyib, ammo bugungi kunda eng muhimi g‘alaba”, - deya Komanning so‘zlarini keltiradi UEFA sayti.
