"Manchester Yunayted" bosh murabbiyi Erik ten Xag Chempionlar ligasi guruh bosqichi 3-turida "Kopengagen" ustidan qozonilgan g‘alaba (1:0) haqida fikr bildirdi.
"Men «Manchester Yunayted» boshqa yo‘l bilan g‘alaba qozona olmaydi, deb o‘ylamayman. Bunday g‘alabalar bu jamoaning genida bor. O‘yin juda asabiy o‘tdi, yakuni aqldan ozgan, lekin menimcha, natija adolatli bo‘ldi. Ko‘p vaziyatlar yaratdik, ammo barchasi ham amalga oshmadi. Eriksenning ajoyib uzatmasidan so‘ng himoyachi oldinga o‘tib, ajoyib gol urgani yaxshi", - deya Ten Xagning so‘zlarini keltiradi UEFA matbuot xizmati.
