"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичи 3-турида "Копенгаген" устидан қозонилган ғалаба (1:0) ҳақида фикр билдирди.
"Мен «Манчестер Юнайтед» бошқа йўл билан ғалаба қозона олмайди, деб ўйламайман. Бундай ғалабалар бу жамоанинг генида бор. Ўйин жуда асабий ўтди, якуни ақлдан озган, лекин менимча, натижа адолатли бўлди. Кўп вазиятлар яратдик, аммо барчаси ҳам амалга ошмади. Эриксеннинг ажойиб узатмасидан сўнг ҳимоячи олдинга ўтиб, ажойиб гол ургани яхши", - дея Тен Хагнинг сўзларини келтиради УЕФА матбуот хизмати.
