Krishtianu Ronaldu jamoasi mag‘lubiyatsiz o‘yinlar seriyasini uzaytirdi.

“An-Nasr” Osiyo chempionlar ligasi guruh bosqichi 3-turida Qatarning “Al-Duhayl” klubini mag‘lub etdi (4:3). Ronaldu ikkita gol urdi va bitta golli uzatmani amalga oshirdi.

Ar-Riyod jamoasi so‘nggi 13 o‘yinda bitta ham mag‘lubiyatga uchramagan – 12 g‘alaba va 1 durang. “An-Nasr” 3ta o‘yinda ham g‘alaba qozonib, Chempionlar ligasi guruhida peshqadamlik qilmoqda. Avvalroq Saudiya klubi saralash bosqichida “Shabab Al-Ahli”ni mag‘lub etgandi.

28 oktyabr kuni jamoa Saudiya Arabistoni chempionatida “Al-Fayha” bilan uchrashadi.