Turinning «Yuventus» klubi ayni damda «Fiorentina»da o‘ynayotgan yarim himoyachi Artur Meloni ijara asosida ortga qaytarishni rejalashtirmayapti.

Jurnalist Nikolo Skiraning xabariga ko‘ra, «keksa sinyora» bosh murabbiyi Massimiliano Allegri braziliyalikni o‘z jamoasida ko‘rishni istamayapti.

Shu bilan birga, «Fiorentina» rahbariyati Arturning o‘yinlaridan to‘liq qoniqish hosil qilgani ta’kidlangan.

«Binafsharanglar» mavsum yakunida braziliyalikni doimiy ravishda sotib olishni o‘ylashmoqda.

Joriy mavsumda Artur Italiya A Seriyasida 9 ta o‘yinda maydonga tushib, bitta golli uzatmani amalga oshirgan.