Туриннинг «Ювентус» клуби айни дамда «Фиорентина»да ўйнаётган ярим ҳимоячи Артур Мелони ижара асосида ортга қайтаришни режалаштирмаяпти.
Журналист Николо Скиранинг хабарига кўра, «кекса синёра» бош мураббийи Массимилиано Аллегри бразилияликни ўз жамоасида кўришни истамаяпти.
Шу билан бирга, «Фиорентина» раҳбарияти Артурнинг ўйинларидан тўлиқ қониқиш ҳосил қилгани таъкидланган.
«Бинафшаранглар» мавсум якунида бразилияликни доимий равишда сотиб олишни ўйлашмоқда.
Жорий мавсумда Артур Италия А Сериясида 9 та ўйинда майдонга тушиб, битта голли узатмани амалга оширган.
