“Metallurg” 23-turni safarda Qarshining “Nasaf” jamoasi bilan o‘tkazadi. Bu mazkur jamoalar o‘rtasidagi 52-uchrashuv bo‘ladi. Ortda qolgan o‘yinlarning 32 tasida vohaliklar, 12 uchrashuvda  esa “Metallurg” g‘alaba qozongan. 7 ta o‘yinda kuchlar teng kelgan. To‘plar nisbati “Nasaf” foydasiga 84:40. Jamoalarning birinchi davrada Bekobodda kechgan o‘yinida 1:2 hisobi qayd etilgandi.

“Nasaf”ning Bekobod klubi ustidan qozongan yirik g‘alabasi – 7:0 (2004) ga teng. “Metallurg” esa ushbu raqibini 3:0 (2002) hisobida mag‘lub eta olgan.

Qarshida bo‘lib o‘tgan so‘nggi beshta uchrashuv:

09.03.2022 «Nasaf» – «Metallurg» 1:1
15.10.2021 «Nasaf» – «Metallurg» 1:0
06.07.2020 «Nasaf» – «Metallurg» - 1:0
31.07.2019 «Nasaf» – «Metallurg» - 1:2
30.03.2018 «Nasaf» – «Metallurg» 1:1

“Nasaf” haqida

“Nasaf” FK ga 1985 yilda asos solingan. Jamoa turli yillarda “Geolog”, “Paxtachi”, “Nasaf”,  “Dinamo-Nasaf” nomi bilan musobaqalarda qatnashdi. Qarshi mamlakatimizning eng kuchli klublaridan biri sanaladi: 4 karra mamlakat vise-chempioni, 10 marta bronza medali sohibi bo‘lgan. O‘zbekiston kubogi hamda Superkubogini 2 martadan qo‘lga kiritgan. OFK kubogi sohibi.  

“Nasaf” gvardiyachisi jamoa bosh murabbiyi Ro‘ziqul Berdiyev (314 o‘yin) sanaladi. To‘purari Zafar Xolmurodov – 181 ta gol. Mavsum rekordchisi ham Zafar Xolmurodov – 30 ta gol.

Jamoaning eng yirik hisobdagi g‘alabasi – 8:1 (2004 yil – “Andijon”), 7:0 (2004 yil – “Metallurg”). Eng yirik mag‘lubiyati esa – 0:6 (1998 yil – “Andijon”).

“Nasaf” bugungacha kuchlilar safida 775 ta o‘yin o‘tkazgan: 422 ta g‘alaba, 166 ta durang, 187 ta mag‘lubiyat. Raqiblar darvozasiga 1351 ta gol kiritgan holda, o‘z darvozasidan 822 ta to‘p olib chiqqan.