"Manchester Siti" hujumchisi Erlin Xoland Chempionlar ligasidagi golsiz seriyasiga chek qo‘ydi.
25 oktyabr kuni bo‘lib o‘tgan Chempionlar ligasi guruh bosqichining 3-turi doirasidagi “Yang Boyz”ga qarshi o‘yinda 23 yoshli norvegiyalik futbolchi ikkita – o‘yinning 67 va 86-daqiqalarida raqib darvozasini ishg‘ol qildi. Forvard joriy yilning aprel oyidan beri ilk bor turnirda gol urdi. U ketma-ket beshta o‘yindan beri gol ura olmagandi.
Umuman olganda, Xoland Chempionlar ligasining 33 o‘yinida 37 ta gol urgan va 5 ta golli uzatmani amalga oshirgan.