"Манчестер Сити" ҳужумчиси Эрлин Холанд Чемпионлар лигасидаги голсиз сериясига чек қўйди.

25 октябрь куни бўлиб ўтган Чемпионлар лигаси гуруҳ босқичининг 3-тури доирасидаги “Янг Бойз”га қарши ўйинда 23 ёшли норвегиялик футболчи иккита – ўйиннинг 67 ва 86-дақиқаларида рақиб дарвозасини ишғол қилди. Форвард жорий йилнинг апрель ойидан бери илк бор турнирда гол урди. У кетма-кет бешта ўйиндан бери гол ура олмаганди.

Умуман олганда, Холанд Чемпионлар лигасининг 33 ўйинида 37 та гол урган ва 5 та голли узатмани амалга оширган.