«Manchester Siti» bosh murabbiyi Xosep Gvardiola Yevropa chempionlar ligasi guruh bosqichi doirasida bo‘lib o‘tgan «Yang Boyz»ga qarshi o‘yin (3:1) borasida o‘z fikrini bildirib o‘tdi.

«Bu ajoyib uchrashuv bo‘ldi. Pozision jihatdan biz haqiqatan yaxshi o‘ynadik. Birinchi bo‘limda biroz omadimiz kelmadi. Raqib jismoniy jihatdan yaxshi tayyorlanibdi. Yakkama-yakka kurashlarda raqib tajovuzkor o‘yin ko‘rsatdi. Shunga qaramay, o‘yinimizdan qoniqish hosil qildim. Keyingi bosqich yo‘llanmasini hal qilib qo‘yish uchun yana bir g‘alaba kerak. Keyin esa guruh g‘olibiga aylanish uchun oldimizda 2 ta o‘yin qoladi.

Odamlar Xolanddan har bir o‘yinda to‘rttadan gol kutishadi. Ular futbolchining muvaffaqiyatsizlikka uchrashini kutishadi. Ammo bu yigit umrbod gollar uradi. U raqiblarga katta xavf tug‘diradi. Ba’zida bizga Kevin De Bryuyne yoki Gyundogan kabi pas bera oladigan futbolchi yetishmaydi. Xoland futbol o‘ynash davom etar ekan, oxirgi kungacha gol urishda davom etadi», — dedi Gvardiola.