«Seltik» bosh murabbiyi Brendan Rodjers Chempionlar ligasi guruh bosqichi 3-turi doirasidagi «Atletiko»ga qarshi o‘yin (2:2) haqida fikr bildirdi.
«O‘ylaymanki, biz ajoyib o‘ynadik. Futbolimiz saviyasi, ayniqsa, birinchi soatda juda yuqori bo‘ldi va ajoyib jamoaga qarshi o‘ynadik.
Biz Madrid klubiga juda ko‘p muammolarni keltirib chiqardik. Muxlislar bilan aloqamiz a’lo darajada edi», - deya Rodjersdan iqtibos keltiradi UYEFA matbuot xizmati.
«Atletiko»da 5 ochko bor va «E» guruhida 2-o‘rinda. «Seltik» esa to‘rtinchi o‘rinda ketmoqda (1 ochko).
