"Shaxtyor" bosh murabbiyi Marino Pushich Chempionlar ligasi guruh bosqichi 3-turi doirasidagi "Barselona"dan safarda uchralgan mag‘lubiyat (1:2) haqida fikr bildirdi.
"So‘nggi uch kun aql bovar qilmaydigan bo‘ldi. Menga o‘xshab klubni almashtirish, bir katta klubdan ikkinchisiga o‘tish, keyin esa "Barselona"da qiyin o‘yin o‘tkazish... Bu shunchaki dahshatli edi!
Men ko‘p almashtirishlarni amalga oshirmadim, chunki jamoa juda yaxshi futbol o‘ynayotganini ko‘rdim. Shuning uchun men hech narsani o‘zgartirishim kerak deb o‘ylamagan edim.
Mening jamoam juda ko‘p hissiyotlarni boshdan kechirdi. Bir necha kun ichida uning uchta murabbiyi bo‘ldi. Ular futbolchi, lekin ular ham odam. Ularning his-tuyg‘ulari borligini unutmasligimiz kerak. Ammo ular o‘zlarini ko‘rsatdilar, "Barselona"ga qarshi kurashdilar, shuning uchun men ular bilan juda faxrlanaman.
Futbolchilar men so‘ragan hamma narsani qilishdi. Ular chidashga to‘g‘ri kelganda jasorat ko‘rsatdilar va bir-birlarini qo‘llab-quvvatladilar. Biz yaxshi bosim uyushtirdik. Ammo “Barselona”ga o‘xshab to‘pga ega bo‘lganingizda, bir xil shiddatni saqlab qolish qiyin. O‘ylaymanki, ular xarakter va salohiyatni namoyon etishdi - men bundan juda mamnunman", - dedi Pushich UYEFA rasmiy saytiga.
