«Roma» hujumchisi Romelu Lukaku Yevropa ligasidagi ajoyib golli seriyasini davom ettirmoqda. Belgiyalik futbolchi ketma-ket 14 o‘yinda gol urishga ulgurdi.
Shu tariqa, hujumchi 2014 yilning 27 noyabridan buyon Yevropa ligasidagi har bir o‘yinda o‘z klubining raqiblari darvozasiga muntazam zarba berib kelmoqda. To‘qqiz yil avval o‘sha kuni u «Everton»da o‘ynab yurgan vaqtida «Volfsburg» darvozasini ishg‘ol qilgandi. O‘shandan beri u Yevropa ligasida 18 ta gol kiritdi.