«Рома» ҳужумчиси Ромелу Лукаку Европа лигасидаги ажойиб голли сериясини давом эттирмоқда. Бельгиялик футболчи кетма-кет 14 ўйинда гол уришга улгурди.
Шу тариқа, ҳужумчи 2014 йилнинг 27 ноябридан буён Европа лигасидаги ҳар бир ўйинда ўз клубининг рақиблари дарвозасига мунтазам зарба бериб келмоқда. Тўққиз йил аввал ўша куни у «Эвертон»да ўйнаб юрган вақтида «Вольфсбург» дарвозасини ишғол қилганди. Ўшандан бери у Европа лигасида 18 та гол киритди.