Lionel Messi MLSning eng yaxshi yangi futbolchisi sovrini uchun kurashmoqda.

Shimoliy Amerika ligasi navbatdagi mavsum yakunlariga ko‘ra turli nominasiyalar bo‘yicha finalchilar nomini e’lon qildi. «Inter Mayami» hujumchisi Messi «Eng yaxshi yangi kelgan futbolchi» sovrini uchun kurashayotgan uch futbolchidan biri.

Mukofotga Georgios Yakumakis («Atlanta Yunayted») va Eduard Leven («Sent-Luis Siti») ham da’vogarlik qilmoqda.

Messi shuningdek mavsumning eng qimmat futbolchisi sovrini uchun nomzodlarning kengaytirilgan ro‘yxatiga kiritildi, ammo finalga chiqa olmadi. Kuchli uchlikdan Lusiano Akosta («Sinsinnati»), Tyago Almada («Atlanta Yunayted») va Denis Buanga («Los-Anjeles») joy oldi.

Messi shu yozda «Inter Mayami»ga o‘tdi. MLS doirasida u 6 ta o‘yin o‘tkazib, 1 ta gol va 2 ta golli uzatmani amalga oshirdi.