Лионель Месси МЛСнинг энг яхши янги футболчиси соврини учун курашмоқда.
Шимолий Америка лигаси навбатдаги мавсум якунларига кўра турли номинациялар бўйича финалчилар номини эълон қилди. «Интер Майами» ҳужумчиси Месси «Энг яхши янги келган футболчи» соврини учун курашаётган уч футболчидан бири.
Мукофотга Георгиос Якумакис («Атланта Юнайтед») ва Эдуард Левен («Сент-Луис Сити») ҳам даъвогарлик қилмоқда.
Месси шунингдек мавсумнинг энг қиммат футболчиси соврини учун номзодларнинг кенгайтирилган рўйхатига киритилди, аммо финалга чиқа олмади. Кучли учликдан Лусиано Акоста («Цинциннати»), Тьяго Альмада («Атланта Юнайтед») ва Денис Буанга («Лос-Анжелес») жой олди.
Месси шу ёзда «Интер Майами»га ўтди. МЛС доирасида у 6 та ўйин ўтказиб, 1 та гол ва 2 та голли узатмани амалга оширди.
