Kanal ochsam birinchi Abbos haqida yozaman degan edim. Va’daga muvofiq birinchi maqola u haqida.

Yaqinda Abbos haqida yangilik ham chiqdi. Turkiyaning grand jamoasi qiziqayotganmish. Aslida Abbosga "Paxtakor"da vaqtidayoq u jamoadan qiziqish bor edi. Faqat "Paxtakor" hali vaqtli deb yana 1 yildan so‘ng sotishni rejalashtirib turgan edi.

Aslida Abbos bu yil "Paxtakor" bilan yangi kontrakt tuzgan edi. "Paxtakor"ning "Xo‘jand" bilan o‘yinidan so‘ng Abbos va uning agenti "Paxtakor"dan hali beri ketmasligini aytib va’dalar berishgan edi.

Keyin esa transfer oynasi yopilishiga bir necha kun qolganda Yevropaning jamoasidan qiziqish paydo bo‘ldi. Ketmayman, "Paxtakor" qolaman degan Abbosdan "Paxtakor" pochtasiga xat kelib tushdi. Unda u "Paxtakor"ni tark qilishi kontraktidagi 500.000$ "otpusknoy"ni "Paxtakor" SSKAdan olishini aytgan edi.

Taxminimcha, Abbosga Yevropadan kattaroq summaga qiziqish bo‘lganidan so‘ng kimlardir SSKAni bu o‘yinchini ozgina o‘ynatib keyinroq kattaroq summaga sotish mumkinligini, hozirni o‘zidayoq taklif borligini va u Abbosni "otpusknoyi"dan ancha kattaligini aytib ko‘ndira olishgan bo‘lishsa kerak. Bu albatta taxmin.

Endi esa Abbos bunaqa tempda o‘ynab ketganidan so‘ng SSKA Abbosni hali beri sotmasa kerak.

Nima bo‘lganda ham Abbosga omad tilab qolamiz. O‘zbek futbolini afsonalaridan bo‘lsin, lekin odamgarchilikni hech qachon yo‘qotmasin.