ESPN xabariga ko‘ra, "Manchester Yunayted" o‘zining so‘nggi moliyaviy yilida 648,4 million funt sterling (783,5 million dollar) daromad olgan, bu Angliya Premyer-ligasi rekordi hisoblanadi.
"Yunayted" o‘tgan mavsumda Chempionlar ligasida emas, balki Yevropa ligasida o‘ynaganiga qaramay, umumiy daromad o‘tgan yilga nisbatan 11 foizga oshdi. Shuningdek, klub 42,1 million funt sterling (50,9 million dollar) zarar ko‘rgan.
“Manchester Yunayted”ning maoshlari shu davr mobaynida 52,8 million funt sterlingga tushib, 331,4 million funt sterlingni tashkil qildi.
Hisobotda aytilishicha, klub egalari, Gleyzerlar oilasi va boshqa aksiyadorlarga dividendlar to‘lanmagan.
