"PSJ" yarim himoyachisi Uorren Zair-Emeri Parij klubi bilan shartnomasini uzaytiradi, deya xabar beradi insayder Nikolo Skira.

Manbaga ko‘ra, 17 yoshli fransiyalik yangi shartnoma imzolashiga bir qadam qolgan, uning shartlariga ko‘ra, maoshi sezilarli darajada oshadi. Tomonlar o‘rtasidagi amaldagi hamkorlik shartnomasi 2025 yilning yoziga qadar amal qiladi.

Qayd etilishicha, yozgi transferlar vaqtida Zair-Emerini o‘z safiga qo‘lga kiritishga Angliyaning 2 nafar nomi oshkor etilmagan top-klubi qiziqish bildirgan. "PSJ" esa o‘z navbatida barcha takliflarni rad etdi va o‘z yarim himoyachisini daxlsiz deb biladi.

Zair-Emeri joriy mavsumda 11 o‘yinda 5 ta golli uzatmani amalga oshirdi. Transfermarkt futbolchini 50 million yevroga baholamoqda.