“Andijon” – OKMK o‘rtasidagi uchrashuvga qiziqish katta. Tabiiyki, bu turning markaziy maqomi ostida o‘tadi. “Bobur Arena”da bo‘lib o‘tadigan supero‘yin oldidan ushbu klublarning o‘zaro uchrashuvlar statistikasiga ko‘z tashlaymiz.

Bunga qadar “Andijon” hamda OKMK klublari chempionat davomida 23 marotaba maydonda kuch sinashishgan. Shularning 4 tasida “Andijon” g‘alaba qozongan. Raqib jamoani esa 15 ta bahsda qo‘li baland kelgan. Yana 4 ta bellashuvda kuchlar teng kelganini ta’kidlash joiz. To‘plar nisbati 15-28, OKMK foydasiga.

Bu yil birinchi davrada Toshkentdagi “Jar” stadionida bo‘lib o‘tgan o‘yinda olmaliqliklar 2:1 hisobida zafar quchishgan.

“Andijon” jamoasi OKMKni oxirgi bor 2011 yilgi chempionatda mag‘lubiyatga uchratgan. O‘shanda o‘z maydonimizdagi bellashuvda yagona gol evaziga uch ochko qo‘lga kiritilgan.

Superliga, 23-tur.
28 oktyabr, shanba, 16:00
«Andijon» — OKMK
Andijon. «Bobur arena» stadioni
Hakamlar: Asker Najafaliyev, Mahmud Turdiyev, Feruz Dostonov, Umidjon Rahmonov
VAR: Ibrohim Ismoilov
AVAR: Nikita Afinogenov
Nazoratchi: Ravil Shayaxmitov
Komissar: Qudrat Madraimov