«Bavariya» bosh murabbiyi Tomas Tuxel juma kuni bo‘lib o‘tgan matbuot anjumanida hujumchi Tomas Myullerning holati haqida gapirdi.
Aytish joizki, 2023/2024 yilgi mavsumda 34 yoshli Myuller ko‘p o‘yin o‘tkazmayapti.
«Tomas o‘ynashga o‘rganib qolgan. U hech qachon zaxira o‘rindig‘ida o‘tirishni yoqtirmasdi. Men unga faqat ishonch berishim mumkin. Uning tayyorgarligi ajoyib va u juda ko‘p energiya olib keladi. U haqiqiy jamoaviy o‘yinchi.
Biz uni «Galatasaroy»ga qarshi o‘yinda maydonga tushirishni rejalashtirgan edik, lekin yakunda buni amalga oshira olmadik.
Hammasi menga bog‘liq. U muhim futbolchi bo‘lib qolmoqda va uning imkoniyatlari bu mavsumda hali keladi. Barcha hujumkor futbolchilar hozir ajoyib formada», dedi Tuxel jurnalistlarga.
