«Бавария» бош мураббийи Томас Тухель жума куни бўлиб ўтган матбуот анжуманида ҳужумчи Томас Мюллернинг ҳолати ҳақида гапирди.

Айтиш жоизки, 2023/2024 йилги мавсумда 34 ёшли Мюллер кўп ўйин ўтказмаяпти.

«Томас ўйнашга ўрганиб қолган. У ҳеч қачон захира ўриндиғида ўтиришни ёқтирмасди. Мен унга фақат ишонч беришим мумкин. Унинг тайёргарлиги ажойиб ва ​​у жуда кўп энергия олиб келади. У ҳақиқий жамоавий ўйинчи.

Биз уни «Галатасарой»га қарши ўйинда майдонга туширишни режалаштирган эдик, лекин якунда буни амалга ошира олмадик.

Ҳаммаси менга боғлиқ. У муҳим футболчи бўлиб қолмоқда ва унинг имкониятлари бу мавсумда ҳали келади. Барча ҳужумкор футболчилар ҳозир ажойиб формада», деди Тухель журналистларга.