«Liverpul» bosh murabbiyi Yurgen Klopp o‘zining sobiq shogirdi Divok Origi bilan uchrashuv haqidagi fikrlari bilan o‘rtoqlashdi.
Belgiyalik futbolchi «Milan»dan ijara asosida «Nottingem Forest»ga o‘tgan. Forvard 2014 yildan 2022 yilgacha «Liverpul»da o‘ynagan.
«Umid qilamanki, Origi yakshanba kungi o‘yinda «Nottingem Forest» tarkibida bo‘ladi. Bu o‘yin nuqtai nazaridan emas, balki muxlislar bilan uchrashishi nuqtai nazaridan ajoyib bo‘lardi - u «Enfild» tomonidan iliq kutib olinsa arziydi. Umid qilamanki, Divok hozir yaxshi formada», - deya germaniyalik mutaxassisning so‘zlaridan iqtibos keltiradi «Liverpul» matbuot xizmati.
Joriy mavsumda Divok Origi Premyer-liganing to‘rtta o‘yinida bahslarni zaxiradan boshladi.
