«Ливерпуль» бош мураббийи Юрген Клопп ўзининг собиқ шогирди Дивок Ориги билан учрашув ҳақидаги фикрлари билан ўртоқлашди.
Бельгиялик футболчи «Милан»дан ижара асосида «Ноттингем Форест»га ўтган. Форвард 2014 йилдан 2022 йилгача «Ливерпул»да ўйнаган.
«Умид қиламанки, Ориги якшанба кунги ўйинда «Ноттингем Форест» таркибида бўлади. Бу ўйин нуқтаи назаридан эмас, балки мухлислар билан учрашиши нуқтаи назаридан ажойиб бўларди - у «Энфилд» томонидан илиқ кутиб олинса арзийди. Умид қиламанки, Дивок ҳозир яхши формада», - дея германиялик мутахассиснинг сўзларидан иқтибос келтиради «Ливерпуль» матбуот хизмати.
Жорий мавсумда Дивок Ориги Премьер-лиганинг тўртта ўйинида баҳсларни захирадан бошлади.
