"Tottenxem" yarim himoyachisi Rodrigo Bentankur jiddiy jarohatdan so‘ng maydonga qaytdi.
Urugvaylik futbolchi APL doirasidagi "Kristal Pelas"ga qarshi o‘yinning 90-daqiqasida zaxiradan maydonga tushdi. Bu Bentankurning joriy yilning fevral oyidan buyon ilk o‘yini – u xoch bog‘lami yirtilgani sababli maydonga tushmayotgan edi.
Ange Postekoglu shogirdlari Joel Uordning avtogoli va Xyon Min Sonning aniq zarbasi evaziga “Kristal Pelas”ni mag‘lub etishga muvaffaq bo‘ldi (2:1).