“Mayns” tez orada 28 yoshli vinger Anvar El-Gazi bilan shartnomani rasman bekor qiladi, deb xabar beradi BBC.

Avvalroq futbolchi Falastinni qo‘llab-quvvatlovchi postini e’lon qilgandi.

Qayd etilishicha, klub futbolchiga omma oldida kechirim so‘rashni aytgan, biroq u rad javobini bergan – u ijtimoiy tarmoqlarda barcha jabrlanganlarga nisbatan tinchlik va insonparvarlik tarafdori ekanligini yozgan.

Kecha, 27 oktyabr kuni Anvar rahbariyatning qaroridan xabar topdi.

"Mayns" 22 sentyabr kuni El-Gazini erkin agent sifatida o‘z safiga qo‘shib olganini e’lon qilgandi. Niderlandiyalik futbolchi jamoa tarkibida Bundesligada 3 ta o‘yin o‘tkazib, bitta golli uzatmani amalga oshirgan.