“Майнц” тез орада 28 ёшли вингер Анвар Эль-Гази билан шартномани расман бекор қилади, деб хабар беради BBC.

Аввалроқ футболчи Фаластинни қўллаб-қувватловчи постини эълон қилганди.

Қайд этилишича, клуб футболчига омма олдида кечирим сўрашни айтган, бироқ у рад жавобини берган – у ижтимоий тармоқларда барча жабрланганларга нисбатан тинчлик ва инсонпарварлик тарафдори эканлигини ёзган.

Кеча, 27 октябрь куни Анвар раҳбариятнинг қароридан хабар топди.

"Майнц" 22 сентябрь куни Эль-Газини эркин агент сифатида ўз сафига қўшиб олганини эълон қилганди. Нидерландиялик футболчи жамоа таркибида Бундеслигада 3 та ўйин ўтказиб, битта голли узатмани амалга оширган.