Angliya terma jamoasi, “Real” va “Liverpul” klublarining sobiq hujumchisi Maykl Ouen bu yil “Oltin to‘p”ni kim qo‘lga kiritishi borasida o‘z fikri bilan o‘rtoqlashdi.
AS muxbiri bilan suhbatda angliyalik mukofotga ikki yaqqol da’vogar nomini aytdi. Ouenning so‘zlariga ko‘ra, bu yil "Oltin to‘p" uchun "Manchester Siti" hujumchisi Erling Xoland va "Inter Mayami" hujumchisi Lionel Messi kurashadi. Maykl 36 yoshli argentinalik norvegiyalikni ortda qoldirib, sakkizinchi "Oltin to‘p"ni qo‘lga kirita olishiga ishonmoqda.
Eslatib o‘tamiz, kelasi dushanba kuni “Oltin to‘p”ni tantanali topshirish marosimi bo‘lib o‘tadi.
