"Aston Villa" hujumchisi Nikolo Dzanyolo kecha Turinda bo‘lib, pul tikish ayblovlariga duch keldi. Italiyalik futbolchi tushuntirish berish uchun federal prokuraturaga kelgan.
Jurnalist Fabrisio Romanoning ma’lumotlariga ko‘ra, Dzanyolo noqonuniy platformalarda poker va blekdjek o‘ynaganini tan olgan. Shu bilan birga, italiyalik forvard har tomonlama sportga pul tikish bilan shug‘ullanayotganini rad etadi.
Eslatib o‘tamiz, Dzanyolo pul tikish mojarosi tufayli uzoq muddatga diskvalifikasiya qilinishi mumkin. Avvalroq, shu sababdan o‘tgan yozda "Milan"dan "Nyukasl"ga o‘tgan yarim himoyachi Sandro Tonali 10 oyga diskvalifikasiya qilingan edi.
