"Barselona" bosh murabbiyi Xavi "Real"dan uchralgan mag‘lubiyatdan keyin jamoa maqsadi o‘zgarmaganini aytdi.
Ispaniya chempionatining 11-turida Kataloniya klubi o‘z maydonida “qirollik klubi"ga 1:2 hisobida imkoniyatni boy berdi.
"Biz endigina 11-turdamiz. Biz kurashni davom ettirmoqchimiz va La Ligada g‘olib chiqmoqchimiz. Biz sabrli bo‘lishimiz va ishlashda davom etishimiz kerak. "Barselona" "Real"ga qarshi juda yaxshi o‘yin o‘tkazdi", - dedi ispaniyalik mutaxassis DAZN nashrida.
11 uchrashuvda "Real" 28 ochko to‘pladi va Ispaniya chempionati turnir jadvalida peshqadamlik qilmoqda. Ikkinchi o‘rinda bir xil ochkoga ega "Jirona" joylashgan. “Barselona” 24 ochko bilan uchinchi o‘rinda bormoqda.
