"Барселона" бош мураббийи Хави "Реал"дан учралган мағлубиятдан кейин жамоа мақсади ўзгармаганини айтди.
Испания чемпионатининг 11-турида Каталония клуби ўз майдонида “қироллик клуби"га 1:2 ҳисобида имкониятни бой берди.
"Биз эндигина 11-турдамиз. Биз курашни давом эттирмоқчимиз ва Ла Лигада ғолиб чиқмоқчимиз. Биз сабрли бўлишимиз ва ишлашда давом этишимиз керак. "Барселона" "Реал"га қарши жуда яхши ўйин ўтказди", - деди испаниялик мутахассис DAZN нашрида.
11 учрашувда "Реал" 28 очко тўплади ва Испания чемпионати турнир жадвалида пешқадамлик қилмоқда. Иккинчи ўринда бир хил очкога эга "Жирона" жойлашган. “Барселона” 24 очко билан учинчи ўринда бормоқда.
