"Real Madrid" vingeri Vinisius Junior jamoa muvaffaqiyatida Jude Bellingemning hissasini yuqori baholadi.
Angliyalik yarim himoyachi shanba kungi “El-Klasiko” qahramoniga aylandi – uning ikkita goli “Real”ga “Barselona” ustidan kuchli g‘alaba keltirdi (2:1). 20 yoshli futbolchi “Los Blankos” safida 13 ta o‘yinda maydonga tushib, 13 ta gol urdi va 3 ta golli uzatmani amalga oshirdi.
“Bellingem aql bovar qilmaydigan, u har doim asosiy rolm o‘ynaydi. Ilgari "Real Madrid" muxlislari Krishtianu Ronalduga o‘rganib qolgandi, endi esa bizda Jude bor!" — dedi Vinisius.
