Sobiq UFC chempioni, kamerunlik jangchi Frensis Ngannu WBC yo‘nalishi bo‘yicha jahon chempioni britaniyalik Tayson Fyuri bilan jangda hakamning qaroridan norozi bo‘ldi.
Jang Fyurining g‘alaba qozonishi bilan yakunlandi. E’tiborlisi, britaniyalik uchinchi raunddayoq nokdaunga uchradi.
«Tayson ushbu jangda g‘alaba qozongani uchun bu ikki hakamga minnatdorchilik bildirishi kerak», deb yozgan Ngannu Tvitter ijtimoiy tarmog‘ida.
Britaniyalik professional bokschi ringda 35 ta jang o‘tkazib, 34 ta g‘alabaga erishgan va bitta jang durang bilan yakunlangan.
