"Real Madrid" bosh murabbiyi Karlo Anchelotti jamoaga yangi kelgan Jud Bellingemning yuqori o‘yini haqida o‘z fikrlari bilan o‘rtoqlashdi.

“Bellingem bir mavsumda 20-25 gol urishi mumkin. Lekin biz uni to‘purar deb hisoblamaymiz. Ayni paytda Jud ko‘p gol urmoqda, ammo biz hujumchilardan ham xuddi shunday o‘yinni kutamiz", - deya italiyalik mutaxassisning so‘zlarini keltiradi Marca nashri.

28 oktyabr, shanba kuni “Barselona” va “Real” o‘rtasidagi uchrashuv bo‘lib o‘tdi. Madridliklar kataloniyaliklarni 2:1 hisobida mag‘lub etishdi. "Qirollik klubi" uchun ikkala golni Bellingem kiritdi.