37 yoshli hujumchi Olivye Jiru "Milan" bilan yangi mehnat shartnomasini imzolashi mumkin, bu haqda jurnalist Nikolo Skira ijtimoiy tarmoqlari orqali xabar bermoqda.
"Rossonerilar" futbolchi bilan hamkorlikni bir yilga uzaytirmoqchi. Tomonlar o‘rtasidagi amaldagi shartnoma kelasi yilning yozida yakuniga yetadi.
Shu bilan birga, Olivyeda faoliyatini davom ettirish uchun boshqa variantlar ham bor. Uni Fransiya, MLS va Saudiya Arabistoni jamoalari o‘z safida ko‘rishni xohlashadi.
Joriy mavsumda tajribali to‘purar milanliklar safida 12ta o‘yinda ishtirok etdi. Hujumchi oltita gol urdi va uchta golli uzatmani amalga oshirdi.
